Tekst do ličbow přetworić
Standardne nastajenja w Calc tekst w celach do wotpowědnych numeriskich hódnotow přetworjeja, jeli jednozmyslne přetworjenje je móžne. Jeli přetworjenje móžne njeje, Calc zmylk #HÓDNOTA! wróći.
Jenož cyłe ličby inkluziwnje eksponenty so přetworjeja a datumowe a časowe podaća ISO 8601 w jich rozšěrjenych formatach z dźělatkami. Wšitko druhe, kaž łamkowe ličby z decimalnymi dźělatkami abo datumowe podaća, kotrež ISO 8601 njewotpowěduja, so njepřetworja, dokelž tekstowy znamješkowy rjećazk wot narodneje šemy wotwisuje. Načolne a naslědne mjezoty so ignoruja.
Slědowace format ISO 8601 so přetworjeja:
-
CCYY-MM-DD
-
CCYY-MM-DDThh:mm
-
CCYY-MM-DDThh:mm:ss
-
CCYY-MM-DDThh:mm:ss,s
-
CCYY-MM-DDThh:mm:ss.s
-
hh:mm
-
hh:mm:ss
-
hh:mm:ss,s
-
hh:mm:ss.s
Kod CC za lětstotk njesmě so wuwostajić. Město datumoweho a časoweho dźělatka T da so tež jedna mjezota wužiwać.
Jeli datum je podaty, dyrbi płaćiwy gregorianiski protykowy datum być. W tutym padźe dyrbi někajki čas we wobłuku 00:00 to 23:59:59.99999... być.
Jeli jenož časowy znamješkowy rjećazk je podaty, móže hodźinsku hódnotu měć, kotraž je wjetša hač 24 , mjeńšiny a sekundy pak móžeće maksimalnu hódnotu 59 měć.
Přetworjenje so jenož za jednotliwe skalarne hódnoty přewjedźe, nic znutřka wobłukow.
Přetworjenje so za jednotliwe skalarne hódnoty kaž w =A1+A2, or ="1E2"+1 přewjedźe. Argumenty celoweho wobłuka potrjechene njejsu, tohodla so SUMA(A1:A2) wot A1+A2 rozeznawa, jeli znajmjeńša jedna z dweju celow konwertibelny znamješkowy rjećazk wobsahuje.
Znamješkowe rjećazki w formlach so tež přetworjeja, na přikład w ="1999-11-22"+42, kotraž 42 dnjow po 22. nowembra 1999 wróća. Wobličenja, kotrež datumowe podaća w lokalnym formaće jako znamješkowe rjećazki w formli wobsahuja, zmylk wudawaja. Na přikład datumowy znamješkowy rjećazk "11/22/1999" abo "22.11.1999" njeda so za awtomatiske přetworjenje wužiwać.
When using functions where one or more arguments are search criteria strings that represents a regular expression, the first attempt is to convert the string criteria to numbers. For example, ".0" will convert to 0.0 and so on. If successful, the match will not be a regular expression match but a numeric match. However, when switching to a locale where the decimal separator is not the dot makes the regular expression conversion work. To force the evaluation of the regular expression instead of a numeric expression, use some expression that can not be misread as numeric, such as ".[0]" or ".\0" or "(?i).0".
Přikład
Zapodajće tekst !1e2 do cele A1 (kotryž so internje do ličby 100 přetworja).
Zapodajće =A1+1 do cele A2 (wuslědk je 101).
Formla =SUMA(A1:A2) 101 město 201 wróći, dokelž so přetworjenje we wobłuku njestawa, jenož za jednotliwe skalarne hódnoty. Tu so '1e2 kaž ze znamješkowym rjećazkom wobchadźa, kotryž so za funkciju SUMA ignoruje.
=SUMA("1E2";1) #HÓDNOTA! wróća, dokelž SUMA() a někotre druhe, kotrež nad ličbne slědy iteruja, argumentowy typ eksplicitnje přepruwuja.
Standardne nastajenja za přetworjenje teksta do ličby změnić
Přetworjenje teksta do ličby da so z nastajenjom w Podrobne nastajenja za wobličenja přiměrić.